Edukinera joan | Menu nagusira joan | Ataletara joan

Gipuzkoako Foru Aldundiaren Logoa
Gipuzkoakultura logotipoa

Loading

2018-07-18 / 2018-11-04

Asier Gogortzaren Mendebalde erakusketa

Publikoa:

 
Asier Gogortzaren Mendebalde erakusketa Igartubeitin

Asier Gogortza egilearen aukera estetiko eta pertsonaletik abiatuz, Euskal Herriko toki ezberdinetako baserrien 22 argazkiz osatutako multzoak ezaguna zaigun iruditegia berrirakurtzea proposatzen digu. Erakusketa Igartubeiti Baserri Museoan izango da uztailaren 18tik azaroaren 4ra arte.

Asier Gogortzaren Mendebalde erakusketak, ikuspegi berrien bitartez, baserrira hurbiltzera gonbidatzen gaitu. Horrela, Igartubeitik bere ingurunearekiko harreman modu berrietan arakatzen jarraitzen du gure paisaien eta praktika artistiko garaikideen arteko solasaldi etengabean.

Desagertze bidean dauden hizkuntzak, tradizioak, langintzak edo arkitektura moduak dokumentatzeko urgentziaz bizi da gure belaunaldia. Euskal Herriko baserria da desagertzeko arriskuan den gauza horietako bat eta azken hamarkadetan hainbat arkitektu, margolari, argazkilari edo museok zuzendu izan ditu begiak eta zentzuak herri-arkitektura horren baitan dagoen jakintza guztia biltze aldera. Dokumentazio lan horren eraginez, baserriaren irudi zehatz bat eraiki dugu gure iruditegi kolektiboan; leiho, balkoi eta atari ederrez hornitutako aurreko fatxadarena.

Argazki hauek egiteko orduan iparrorratza erabili da, baserrien mendebaldeko fatxadak bakarrik erretratatu direla egiaztatzeko. Eguraldiak eta denborak apaindutako horma soil eta sendo horiekin osatutako katalogoa da lan honen emaitza. Seguruenik argazkietan ikusten denak ez du bat eginen buruan dugun euskal baserriaren irudiarekin. Izan ere, pertzepzioaren eta errealitatearen arteko haustura-tarte horretan kokatu nahi izan dut erakusketa hau prestatzeko orduan.

Asier Gogortza, 1976. Bera (Nafarroa)Arkitektura eta paisaia interesatzen zaizkit, gizakiak lurraldearen gainean egiten dituen zuzeneko interbentzio gisa ulertuta. Pertsonak oso bakan agertzen dira nere argazkietan baina haien arrastoa nabaria da lantzen ditudan proiektu gehienetan. 

 
Nere ibilbidera gehitu erakusketa
 
Compartir

Itzuli

HARREMANAK

  • Jabetasuna: Gipuzkoako Foru Aldundia
  • Telefonoa: Tel.: +34 943 722 978 Fax.: +34 943 880 138
  • E-maila: igartubeiti@gipuzkoa.net
  • Webgunea: webgunea ikusi
  • Helbidea: Ezkio Bidea. 1.km
    20709 EZKIO-ITSASO - Ezkio-Itsaso - mapa ikusi

ORDUTEGIAK

SARREREN PREZIOA

Sarrera Doan: Ostegunero, ICOM-eko kideak, 10 urtetik beherakoak eta Betizu bazkideak.Orokorra: 3,00 €Murriztua: 1,50 € (ikasle, talde, jubilatu, langabe, Nekatur-eko bezero, Eusko Ikaskuntza eta Hirukide bazkideak):Bisita gidatuak: 1,00 €Bisita bateraturako eskaintza: Zumalakarregi Museoarekin bisita bateraturako bonoa: 5 €

EKIPAMENDUAK ETA ZERBITZUAK

  • Hizkuntza: frantsesa
  • Hizkuntza: ingelesa
  • Hizkuntza: euskara
  • Hizkuntza: gaztelania
  • Argitalpen propioak
  • Hitzaldi-Aretoa
  • Gela didaktikoa
  • Kanpoko ibilbideak
  • Haur parkea kanpoan
  • Lorategia
  • Denda
  • Lehiatila / Kontsigna
  • Salmenta makinak
  • Atseden lekuak
  • Igogailua
  • Sarrera egokitua
Creative Commons lizentzia. Irakurtzeko hemen zapaldu
2018 Kultura Zuzendaritza Nagusia - Gipuzkoako Foru Aldundia.
Logotipo Gipuzkoa.net. Sakatu Gipuzkoa.net web gunera joateko.