Gozogintza nahiz argizarigintzaren historia gozoa gordetzen duen museo miresgarria da.

Xaxu gozogintza museoa da eta bertan gozogileek XIV. Eta XIX. Mendeen artean erabiltzen zituzten lan teknikak daude ikusgai. Museo honetan, besteak beste, kafea, txokolatea, karamelua, izozkia, irabiatua eta alkohola egiteko tekniken bilakaera ikusi ahal izango dugu. Euskaldunak lekuko izan ziren Colonek eta Hernan Cortesek txokolatea aurkitu zutenean. Museoak teknikaren bilakaera erakutsiko dizugu, deskubritzaileen garaitik gaur egunerarte.

Herri baten historian etnografiak duen garrantziaz jabeturik, XVII. Mendean eraikitako Xaxu gozotegia bota zenean, gozogintza eta txokolategintzaren museoa egitea erabaki zen bertako pieza eta lan tresnekin, euskal gizartean biziki errotutako lanbidea izanik.

Bisita gidatua egiteko, zita eldez aurretik eskatu behar da Turismo Bulegoan, 943 697413. Gutxi gora behera 45 minutuko bisita izaten da. Bukatzerakoan txokolate bero bat dastatzeko aukera edukiko duzue(prezioaren barne).

Inguruko argibide turistikoa

Tolosaldea eskualdea, 29 udalerriz osatua dago (Abaltzisketa, Aduna, Albiztur, Alegia, Alkiza, Altzo, Villabona-Amasa, Amezketa, Anoeta, Asteasu, Baliarrain, Bedaio, Belauntza, Berastegi, Berrobi, Bidegoian, Elduain, Gaztelu, Hernialde, Ibarra, Ikaztegieta, Irura, Larraul, Leaburu, Lizartza, Orendain, Orexa, Tolosa eta Zizurkil), Gipuzkoako ekialdean kokatua dago, eta mugakideak hauek: ekialdean Nafarroa, iparraldean Beterri edo Donostialdea, hegoaldean Goierri eta mendebaldean Urola Kosta. Oria ibaiak zeharkatzen du eskualdearen zatirik handiena.

Gipuzkoaren bihotzean kokatzen da eta Donostiara iristeko hamabost minutu besterik ez dira behar. Aralarreko Parke Naturalaren eta Enioko mendigunearen artean kokatua, egoera estrategiko ezin hobea eta komunikazio sare bikaina du Tolosaldeak.

Baserri giroko herri txikiekin gozatzeko aukera alde batetik, eta Tolosaren maila duen hiriburu batek eskaintzen dituen zerbitzu, merkataritza gune eta kultur jarduerak ezagutzeko aukera bestetik. Hori guztia primeran bateratzen da Tolosaldean.

Tolosaldeako eskuliburua (PDF)

Gipuzkoa %100 eskuliburua (PDF)

GureGipuzkoa argazkiak partekatzeko dohaineko webgune bat da, Gipuzkoako Foru Aldundiko Kultura Zuzendaritzak sortu eta bultzaturikoa. Bertan dauden Tolosaldeako argazkiak ezagutu nahi badituzu, Gure Gipuzkoa.

"XIX. mendeko albuma" Euskal Herriari buruzko 4.000 irudi inguru dituen kultur webgune bat da. Irudiak Gipuzkoako Foru Aldundiaren funtsetakoak dira eta kultur zentro desberdinetan daude kokatuta. Tolosaldeko zenbait herrik XIX.mendean zuten itxura ezagutu nahi baduzu: Alegia, Villabona, Amezketa, Berastegi, Leaburu, eta Tolosa.

Tolosaldea Flickr-en.

Erlazionatutako ibilbideak

• Ibilbide gastronomikoa. “Zatoz Euskadiko bihotzeraâ€�
• Gastronomia Gipuzkoan
• Gipuzkoako Baliabide Turistikoen Gida 2011-2012
• Kultura Industrialaren Ibilbidea