Ekoetxea Txingudiko hezkuntza eskaintza

Txingudiko paduretako ingurumen-hezkuntza programako unitate didaktiko guztiak hezkuntzako curriculumera daude egokituak. Hartara helburu kurrikularrak bermatzeaz gain beste ekintzen osagarri izan daitezke edota landu gabeko gai interesgarrien sarrera izan.

Ingurumen-hezkuntzako programaren helburu orokorrak honakoak dira:

• Hezegunea osagai pedagogiko bat bezala erabili, ingurumen jakintzak, gaitasunak eta balioak barneratuz ikasleek jasangarritasuna bultza dezaten.
• Ikasleak EAEko ingurumen-egoerari buruz sentsibilizatzea eta kontzientziatzea.
• Hezkuntza formalaren osagarri izatea biodibertsitateari buruzko gaietan.
• Hezeguneen kontserbazioan eta hauen erabilera jasangarrian trebatu eta gaitu ikasleak.
• Ikasleak Txingudiko paduren kontserbazioan esku-hartzera bultzatu.
• Naturaren behaketarako eta gozamenerako aukera eskaini.

Horretarako, unitate didaktiko desberdinak eskaintzen dira ziklo eta kurtso bakoitzeko.